News Details
06/09/2025
وزیراعلیٰ خیبرپختونخوا علی امین خان گنڈا پور کاعید میلادالنبیﷺ کے مبارک موقع پرپوری اُمت مسلمہ باالخصوص اہل پاکستان کو مبارکباد
وزیراعلیٰ خیبرپختونخوا علی امین خان گنڈا پور نے عید میلادالنبیﷺ کے مبارک موقع پرپوری اُمت مسلمہ باالخصوص اہل پاکستان کو مبارکباد دیتے ہوئے کہا ہے کہ حضرت محمد رسول اللہ خاتم النبیین صلی اللہ علیہ و آلہ وسلم کی ولادت نہ صرف عالم اسلام بلکہ پوری انسانیت کے لئے باعث سعادت و رحمت ہے اور آپ کی آفاقی تعلیمات بنی نوع انسان کی رہنمائی کیلئے ایک کامل نمونہ اور جامع سر چشمہ ہیں۔ آپﷺ کی ولادت انسانیت پر اللہ تعالیٰ کا احسان عظیم ہے، آپ ﷺ سے محبت ایمان کا بنیادی تقاضا اور آپ ﷺ کی اسوہ حسنہ تمام انسانوں کے لئے مشعل راہ ہے جس پر عمل پیرا ہوکر انسان دنیا و آخرت میں کامیابی سے ہمکنار ہوسکتا ہے۔عید میلادالنبی ﷺ کی مناسبت سے یہاں سے جاری اپنے ایک پیغام میں وزیراعلیٰ نے کہا کہ آپﷺ نے ہمیشہ تکریم انسانیت ، عفو و درگذر، عدل و انصاف کی بالادستی اور ظلم کے خاتمے کا درس دیا ہے۔ آپ ﷺکاخطبہ حجتہ الوداع ایسامنشور ہے جو رہتی دنیاتک نہ صرف مسلمانوںبلکہ دنیابھرکے انسانوں کی رہنمائی کاسرچشمہ ہے۔ اُنہوںنے کہاکہ یہ رحمت اللعالمین کی تعلیمات کاکرشمہ تھاجس نے سب کو ایک صف میں کھڑاکرکے آقاوغلام کافرق مٹادیااور بلاامتیازرنگ و نسل فلاح انسانیت کادرس دیاجس کی بدولت اسلام کو ادیان عالم پر غلبہ اور عروج نصیب ہوا۔ محسن انسانیت کایہ انقلاب انسانی تاریخ میں اپنی مثال آپ ہے۔ آپ ﷺانسانیت کے نجات دہندہ اورحقیقی محسن ہیں۔ آج پھر اُمت مسلمہ کوعظمت رفتہ کی بحالی کیلئے محسن انسانیت کی آفاقی تعلیمات کی طرف رجوع کرنا ہوگا۔وزیراعلیٰ کا کہنا تھا کہ ریاست مدینہ کے سنہرے ا ±صولوں کو اپنا کرہی ایک ترقیافتہ اسلامی فلاحی معاشرے کا قیام یقینی بنایا جا سکتا ہے ۔آج کے بابرکت دن کے موقع پر بحیثیت مسلمان ہمیں اس عزم کا اعادہ کرنا چاہیئے کہ ہم اسوئہ حسنہ کی روشنی میں ناصرف اپنے کردار و عمل کی اصلاح کریں گے بلکہعدل و انصاف پر مبنی حقیقی فلاحی معاشرے کے قیام کے لئے بھی حسب استطاعت اپنا کردار ادا کریں گے۔