News Details

05/08/2025

وزیر اعلیٰ خیبر پختونخوا علی امین خان گنڈاپور نے چارسدہ کے ہونہار طالب علم محمد سدیس کی میٹرک امتحانات میں شاندار کارکردگی پر بھر پور حوصلہ افزائی کی ہے

وزیر اعلیٰ خیبر پختونخوا علی امین خان گنڈاپور نے چارسدہ کے ہونہار طالب علم محمد سدیس کی میٹرک امتحانات میں شاندار کارکردگی پر بھر پور حوصلہ افزائی کی ہے اور اُنہیں نقد انعام اور لیپ ٹاپ کا تحفہ دیا ہے۔ دونوں ہاتھوں اور ایک پاوں سے معذور محمد سدیس نے پشاور تعلیمی بورڈ کے تحت حالیہ میٹرک امتحانات اچھے نمبروں سے پاس کیا۔ وزیر اعلیٰ نے گزشتہ روز محمد سدیس کی حوصلہ افزائی کے لئے انہیں وزیراعلی ہاو ¿س مدعو کیا اور ان کی شاندار کارکردگی پر نقد انعام دیا۔ وزیر اعلی نے محمد سدیس کے تعلیمی اخراجات کے لئے سکالرشپ دینے کا بھی اعلان کیا۔ وزیر اعلی کی طرف سے محمد سدیس کو آج لیپ ٹاپ کا تحفہ بھی بھیج دیا گیا ہے۔ ڈپٹی کمشنر چارسدہ نے وزیر اعلیٰ کی طرف سے لیپ ٹاپ محمد سدیس کے حوالے کیا۔ محمد سدیس نے بھر حوصلہ افزائی پر وزیر اعلیٰ علی امین گنڈاپور کا شکریہ ادا کیا۔ وزیر اعلیٰ کا کہنا تھا کہ موجودہ صوبائی حکومت ایسے با صلاحیت طلبہ کی بھر پور حوصلہ افزائی کا سلسلہ جاری رکھے گی، محمد سدیس معاشرے کے تمام خصوصی افراد کے لئے رول ماڈل ہے، اس نے ثابت کیا کہ اگر حوصلہ اور عزم بلند ہو تو معذوری کامیابی کی راہ میں روکاوٹ نہیں بن سکتی۔