News Details

03/08/2025

وزیراعلیٰ خیبر پختونخوا علی امین گنڈاپور کی میزبانی میں آل پارٹیز کانفرنس کے بعد امن وامان سے متعلق علاقائی جرگوں کے انعقا د کا سلسلہ شروع ہوگیا۔

وزیراعلیٰ خیبر پختونخوا علی امین گنڈاپور کی میزبانی میں آل پارٹیز کانفرنس کے بعد امن وامان سے متعلق علاقائی جرگوں کے انعقا د کا سلسلہ شروع ہوگیا۔ اِس سلسلہ کا پہلا علاقائی مشاورتی جرگہ آج وزیراعلیٰ ہاو ¿س میں منعقد ہوا جس میں ضلع خیبر اور اورکزئی کے علاوہ ٹرائبل سب ڈویژنز درہ آدم خیل اور حسن خیل کے قبائلی مشران اور منتخب عوامی نمائندے شریک ہوئے۔ جرگے میں مذکورہ علاقوں کے 150 قبائلی عمائدین و مشران ، چھ ممبران صوبائی اسمبلی، تین ممبران قومی اسمبلی اور ایک سینیٹر نے شرکت کی۔ وزیراعلیٰ کے مشیر برائے اطلاعات بیرسٹرمحمدعلی سیف، چیف سیکرٹری شہاب علی شاہ اور انسپکٹر جنرل پولیس ذوالفقار حمید کے علاوہ متعلقہ کمشنرز، ڈپٹی کمشنرز اور پولیس حکام بھی جرگے میں موجود تھے۔ جرگے نے درجہ زیل متفقہ سفارشات پیش کیں۔ امن کی بحالی کے لئے دہشت گردی اور دہشت گردوں کے خلاف سب ایک ہیں۔آپریشن اور مقامی آبادی کی نقل مکانی کسی بھی صورت قبول نہیں۔ترقی امن سے منسلک ہے اور امن بحال ہونے کے ساتھ ترقی کا عمل تیز کیا جائیگا۔ معدنیات سمیت صوبے کے کسی بھی قسم کے وسائل نہ کسی نے مانگے ہے نہ کسی کو دئیے ہے اور نہ کسی کو دیئے جائیں گے۔ قبائلی مشران نے وفاقی حکومت سے سفارش کی ہے کہ افغانستان سے مذاکرات کے لئے صوبائی حکومت اور قبائلی مشران کا جرگہ بھیجنے کا بندوبست کیا جائے۔ اِس حوالے سے جرگے کو تمام تر تعاون اور وسائل فراہم کیے جائیں۔اگلا علاقائی جرگہ ضلع مہمند اور باجوڑ کا منعقد ہوگا جس کے بعد تیسرا علاقائی جرگہ شمالی اور جنوبی وزیرستان (لوئر اور اپر) کا منعقد ہوگا جبکہ آخری علاقائی جرگہ ضلع ک ±رم کا ہوگا۔ علاقائی جرگوں کے فوری بعد وزیر اعلیٰ کی سربراہی میں ایک گرینڈ جرگے کا انعقاد کیا جائیگا۔ گرینڈ جرگے کے انعقاد سے پہلے قبائلی علاقوں سے با اثر افراد مقرر کئے جائیں گے جو گرینڈ جرگے میں اپنے اپنے اقوام کی نمائندگی کرتے ہوئے امن وامان کی بحالی کے سلسلے میں لائحہ عمل تیار کرنے کے لئے تجاویز پیش کریں گے۔