News Details

05/11/2025

وزیراعلیٰ خیبر پختونخوا محمد سہیل آفریدی نے منگل کے روز محمود خان اچکزئی سے اسلام آباد میں انکی رہائش گاہ پر ملاقات کی۔

وزیراعلیٰ خیبر پختونخوا محمد سہیل آفریدی نے منگل کے روز محمود خان اچکزئی سے اسلام آباد میں انکی رہائش گاہ پر ملاقات کی۔ ملاقات میں قومی و سیاسی اُمور پر تفصیلی تبادلہ خیال گیا، خصوصی طور پر مجوزہ 27ویں آئینی ترمیم اور صوبائی خودمختاری پر ممکنہ اثرات زیرِ غور آئے۔ وزیر اعلیٰ نے اس موقع پر گفتگو کرتے ہوئے کہا کہ ضم اضلاع کا حصہ این ایف سی ایوارڈ میں تاحال فراہم نہیں کیا گیا۔ این ایف سی ایوارڈ میں چھیڑ چھاڑ قومی وحدت کے لیے نقصان دہ ہوگی۔ وزیر اعلیٰ محمد سہیل آفریدی اور محمود خان اچکزئی کے مابین کرم امن صورتحال اور پشاور امن جرگے پر بھی مشاورت ہوئی۔ محمود خان اچکزئی نے خیبر پختونخوا کے آئینی و مالی حقوق کے تحفظ کے لیے بھرپور تعاون کی یقین دہانی کرائی۔ ملاقات میں سینیٹ کے لیے نامزد اپوزیشن لیڈر سینیٹر علامہ ناصر عباس اور صوبائی صدر پی ٹی آئی جنید اکبر بھی شریک تھے۔ ایم این ایز عاطف خان، علی اصغر خان کے علاوہ اخونزادہ حسین احمد یوسفزئی، وکیل بانی پی ٹی آئی خالد یوسف چوہدری اور عرفان سلیم بھی موجود تھے۔