News Details
13/09/2025
وزیر اعلی خیبر پختونخوا علی امین گنڈاپور نے جمعے کے روز اسلام میں افعان سفارتخانے کا دورہ کیا
وزیر اعلی خیبر پختونخوا علی امین گنڈاپور نے جمعے کے روز اسلام میں افعان سفارتخانے کا دورہ کیا اور پاکستان میں تعینات افعان سفیر سردار آحمد شکیب سے ملاقات کی۔ وزیر اعلی کے مشیر برائے اطلاعات بیرسٹر محمد علی سیف اور ایم این اے فیصل امین گنڈاپور بھی وزیر اعلی کے ہمراہ تھے۔ وزیر اعلی نے افعان قائم مقام سفیر سے افغانستان میں زلزلے سے قیمتی انسانی جانوں کے ضیاع پر تعزیت اور دلی ہمدردی کا اظہار کرتے ہوئے زلزلے میں جاں بحق ہونے والوں کی معفرت کے لئے فاتحہ خوانی اور دعا کی۔ وزیر اعلی نے کہا کہ زلزلے سے قیمتی انسانی جانوں کے ضیاع پر دلی صدمہ ہوا، صوبائی حکومت اور صوبے کے عوام اپنے افعان بہن بھائیوں کے غم میں برابر کے شریک ہیں اور متاثرین کی ہر ممکن مدد کے لئے تیار ہیں۔ افعان قائم مقام سفیر نے زلزلہ متاثرین کے لئے دل کھول امداد دینے پر صوبائی حکومت اور وزیر اعلی کا شکریہ ادا کرتے ہوئے کہا کہ اس خیر سگالی کے لئے امارات اسلامیہ افغانستان کی حکومت افغان عوام اور صوبائی حکومت کے تہہ دل سے مشکور ہیں۔ ملاقات میں باہمی دلچسپی کے امور، علاقائی امن اور وطن واپس جانے والے افعان باشندوں کو درپیش مسائل پر بھی گفتگو کی گئی۔ ملاقات میں خطے میں پائیدار امن کے لئے مذاکرات اور دونوں ممالک کے درمیاں تجارتی سرگرمیوں کو فروغ دینے کی ضرورت پر زور دیا گیا۔ اپنی گفتگو میں وزیر کا کہنا تھا کہ مذاکرات خطے میں پائیدار امن کا واحد ذریعہ ہیں،صوبائی حکومت اس دیرینہ مسئلے کے پائیدار حل کے لئے مذاکرات کی خواہاں ہے، وفاقی حکومت نے افغانستان کے ساتھ مذاکرات کے لئے حامی بھر لی ہے اور امید یے اس سلسلے میں مثبت پیشرفت ہوگی۔ علی امین گنڈاپور کا کہنا تھا کہ دہشتگردی کے خاتمے کے لئے لوگوں کو روزگار کے مواقع فراہم کرنا ضروری ہے اور دونوں ممالک کے درمیان تجارتی سرگرمیوں کو فروغ دے کر لوگوں کے لئے روزگار کے مواقع پیدا کئے جاسکتے ہیں جو دونوں ملکوں کے وسیع تر مفاد میں ہے۔ وزیر اعلی نے کہا کہ خیبر پختونخوا حکومت وطن واپس جانے والے افعان بہن بھائیوں کو ہر ممکن سہولیات فراہم کر رہی ہے اور ان کو درپیش مسائل کے حل کے لئے اپنی سطح پر بھر پور کوششیں کر رہی ہے جبکہ وفاقی حکومت سے جڑے مسائل کے حل کے لئے معاملہ متعلقہ وفاقی اداروں کے ساتھ اٹھایا گیا ہے۔ انہوں نے یقین دلایا کہ صوبائی حکومت وطن واپس جانے والے افعان شہریوں کو درپیش مسائل کے حل کے لئے ہر ممکن تعاون فراہم کرے گی۔