News Details

20/01/2025

وزیر اعلیٰ خیبر پختونخوا علی امین خان گنڈاپور کی خصوصی ہدایات پر کرم کےلئے صوبائی حکومت کی ہیلی کاپٹر سروس کا سلسلہ جاری ہے

وزیر اعلیٰ خیبر پختونخوا علی امین خان گنڈاپور کی خصوصی ہدایات پر کرم کےلئے صوبائی حکومت کی ہیلی کاپٹر سروس کا سلسلہ جاری ہے اور اب تک سینکڑوں افراد کو ائیر ٹرانسپورٹ کی سہولت فراہم کی گئی ہے جبکہ صوبائی حکومت کی ہیلی کاپٹر کے ذریعے کروڑ روپے مالیت کی ادویات بھی کرم پہنچائی گئی ہیں۔ اتوار کے روز صوبائی حکومت کے کاپٹر ایم آئی 17 کی کرم کےلئے چار پروازیں ہوئیں جن میں کل 133 افراد کو ائیر ٹرانسپورٹ کی سہولت فراہم کی گئی۔ تفصیلات کے مطابق پہلی پرواز میں تین ہزار کلوگرام ادویات سمیت چار افراد کو پاراچنار منتقل پہنچایا گیا، دوسری پرواز کے ذریعے 44 افراد کو پاراچنار سے ٹل جبکہ تیسری پرواز میں 34 افراد کو ٹل سے پاراچنار پہنچایا گیا۔ اسی طرح چوتھی اور آخری پرواز کے ذریعے 35 افراد کو پاراچنار سے پشاور پہنچایا گیا۔ درایں اثناءوزیر اعلیٰ کی خصوصی ہدایات پر اتوار کے روز کرم کے متاثرین کےلئے سردی سے بچنے کےلئے مختلف سامان بھی کرم روانہ کردی گئیں۔ ان سامان میں 500 خیمے، 1000 میٹریسز، 1000کمبل، 500 پلاسٹک میٹس، 500 ترپولین شیٹس، 100 سرچ لیمپس، 100 سولر لیمپس اور دیگر سامان شامل ہیں۔ اس سلسلے میں اپنے ایک بیان میں وزیر اعلیٰ نے کہا ہے کہ صوبائی حکومت کو کرم کی زمینی راستے کی بندش کی وجہ سے علاقے کو لوگوں کو درپیش مشکلات کا بخوبی ادراک ہے اور صوبائی حکومت ان مشکلات کو کم سے کم کرنے کےلئے تمام دستیاب وسائل بروئے کار لا رہی ہے۔ انہوں نے کہا کہ کرم میں صورتحال معمول پر آنے اور زمینی راستے کی بحالی تک کرم کےلئے صوبائی حکومت کی ہیلی کاپٹر سروس جاری رہے گی۔