News Details
28/02/2025
وزیر اعلیٰ خیبر پختونخوا علی امین خان گنڈاپور نے صوبے کے مختلف مقامات میں بارشوں کے نتیجے میں حادثات سے ہونے والی جانی و مالی نقصانات پر افسوس کا اظہار کیا ہے
وزیر اعلیٰ خیبر پختونخوا علی امین خان گنڈاپور نے صوبے کے مختلف مقامات میں بارشوں کے نتیجے میں حادثات سے ہونے والی جانی و مالی نقصانات پر افسوس کا اظہار کیا ہے۔ وزیر اعلیٰ نے ان حادثات سے ضلع خیبر اور بٹگرام میں دو افراد کے جاں بحق ہونے پر رنج و غم کا اظہار کرتے ہوئے متاثرہ خاندانوں سے دلی ہمدردی اور تعزیت کا اظہار کیا ہے۔ یہاں سے جاری اپنے ایک بیان میں انہوں نے جان بحق افراد کی مغفرت اور پسماندگان کے لئے صبر جمیل کی دعا کی ہے جبکہ ان حادثات کے زخمیوں کی جلد صحت یابی کے لئے نیک خواہشات کا اظہار کیا ہے۔ وزیر اعلیٰ نے متعلقہ ضلعی انتظامیہ کو متاثرہ خاندانوں کو فوری ریلیف اور معاوضوں کی فراہمی کے ضروری کاروائی عمل میں لانے کی ہدایت کی ہے اور کہا ہے کہ صوبائی حکومت متاثرین کو تنہا نہیں چھوڑے گی اور ان کی ہر ممکن معاونت کی جائے گی۔
<><><><><><><>