News Details

20/05/2024

وزیر اعلیٰ خیبر پختونخوا سردار علی امین خان گنڈاپورنے کرغزستان (بشکیک) میں پھنسے پاکستانی طلبہ اور دیگر شہریوں کو وطن واپس لانے کیلئے خصوصی پروازیں کرغزستان بھیجنے کا فیصلہ کیا ہے ۔

وزیر اعلیٰ خیبر پختونخوا سردار علی امین خان گنڈاپورنے کرغزستان (بشکیک) میں پھنسے پاکستانی طلبہ اور دیگر شہریوں کو وطن واپس لانے کیلئے خصوصی پروازیں کرغزستان بھیجنے کا فیصلہ کیا ہے ۔ پہلی خصوصی پرواز آج (پیر)جبکہ دوسری پرواز کل (منگل)بشکیک سے پاکستانیوں کو لیکر پشاور پہنچے گی ۔ بشکیک میں پھنسا کوئی بھی پاکستانی ان واٹس نمبروں 0343-3333049 / 0344-0955550پر رابطہ کرکے یہ مفت ائیر سروس پہلے آئیے اور پہلے پائیے کی بنیاد پر حاصل کر سکتا ہے۔کرغزستان میں پھنسے پاکستانیوں کے اہلخانہ معلومات کےلئے ٹال فری نمبر 1700 پر رابطہ کرسکتے ہیں۔ اس سلسلے میں یہاں سے جاری اپنے ایک ویڈیو پیغام میں وزیراعلیٰ نے کہا ہے کہ کرغزستان میں پھنسے پاکستانیوں کو بحفاظت وطن واپس لانا ہماری ذمہ داری ہے ، صوبائی حکومت نے اس سلسلے میں خیبرپختونخوا کے ساتھ ساتھ دیگر صوبوں کے لوگوں کی بھی وطن واپسی کیلئے مفت ائیر سروس فراہم کرنے کا بندوبست کیا ہے ۔ وزیراعلیٰ نے اپنے پیغام میں کہا کہ خیبرپختونخوا حکومت خیبرپختونخوا کے لوگوں کے ساتھ ساتھ باقی تمام پاکستانیوں کو بھی بحفاظت وطن واپس لانے کیلئے تمام سہولیات فراہم کرے گی ۔ ہماری دعا ہے کہ کرغزستان میں جو مسئلہ بنا ہوا ہے وہ جلد حل ہوجائے، ہماری یہ بھی دعا ہے کہ تمام پاکستانی بحفاظت وطن واپس لوٹ آئیں ، خیبرپختونخوا حکومت پہلے بھی ان کے ساتھ تھی ، اب بھی ہے اور آئندہ بھی رہے گی۔ <><><><><><>